Les mots surlignés font l'objet d'une note
1Monsieur, je suis esté contrainct men venir treuver ma
2niepse icy à Greulx pour changer d’air par ladvis et
3conseil des medecins, où je me treuve beaucoup mieulx,
4grâce au Créateur, lequel j’espère me favorisera tant
5que jaurey moyen vous faire encores service. Jay
6donné charge au present porteur passant par Grenoble,
7vous faire entendre son voiage, à ce que sil vous
8peult servir, luy commandiez votre vollonté. Je
9navoie rien de nouveau digne de vous, sil nest
10quil est arrivé ung gentilhomme revenant de
11Naples où il avoit esté envoyé par monsieur le
12comte de Tende, lequel dict avoyr veu larmée
13de la Ligue Saincte, questoyt en nombre de troys
14cens gallaires et denvyron cent ou six vingtz aultres
15vaisseaulx, toutz en fort bon equipaige de
16toutes choses ; et en oultre, portoyent quarante
17mil harquebouses de reserve pour bailler à ceulx de païs
18qui ont promis prendre les armes pour ladite Ligue.
19Et dict aussi que ladite armée sen va à Nègrepont.
20Ledit gentilhomme a esté despeché en dilligence par
21ledit seigneur comte vers sa magesté. Quant aux novelles
22de Flandres, vous en estes plus près que nous. Vous
23adviserez si je vous puys servir en aulcune chose
24car le me faisant entendre, je feray de si bon cœur que
25je me recommande humblement à votre bonne grâce, suppliant
26le Créateur vous donner
27Monsieur, en très bonne santé, longue et heureuse vie. De
28Greulx, ce VIIIe juillet 1572.
29votre affectionné et seur amy et allié à vous
30faire service
31LPuget